A primeira parte da ruta está formada por dous tramos do
GR-58 (14 e 15), percorre varias pistas e camiños forestais que, quitando algún
anaco de bosque autóctono (xunto o río Grova) e algunha braña (Chan do Cereixo)
atópase bastante descoidado, pero resulta un percorrido moi interesante polas
magníficas vistas (alto do Cortelliño) e sobre todo polos numerosos xacementos
arqueolóxicos como o do Chan do Cereixo e concentracións de petroglifos na Regueira
do Grilo (hai que desviarse) e sobre todo no Outeiro dos Lameiros. Para unir a
ruta con Baiona empregamos o PRG-62, moi mal sinalizado pero que conta cunha interesante
Calzada Medieval. Como nota negativa hai que salientar o mal estado en que está
o camiño que vai de Baiona ata o Outeiro dos Lameiros xa que encheron o camiño
de ramas, troncos e outros restos das podas con clara intención de impedir o seu
uso). (Yeyi)